Pag-Ibig sa kawalan

PAG-IBIG SA KAWALAN

Panulat ni: Dalya

Paghihiwalay.

Isa ito sa mga bagay na nakakapgparupok ng mga pinaniniwalaan natin. Yung panahon na ipinagluluksa natin yung mga puso nating muling nabigo. Mga pusong nagmahal at nawalan ng minamahal.

Pagkakaiba.

Yung hiwalayang walang katulad. Yung pagkakalayo na kahit matagal na panahon na ang lumipas ay hindi mo pa rin makalimutan yung taong sanhi ng kalungkutan mo ngayon. Isa lang ang dahilan, kasi iba sya sa lahat.

Yung pamimighati na kakaiba sa lahat ng naranasan mo. Yung natatanging sakit kasi siya lang yung taong nakapagpawasak ng buong pagkatao mo.

Pagtatapos.

Kung paanong dapat ang isang relasyon ay natuldukan pero hindi ka nabigyan ng pagkakataon na mangyari yun. Ang tawag sa Ingles ay “unfinished business”. Yung umaasa ka pa din na sana hindi pa natuldukan ang lahat sa inyo.

Pagusad.

Minsan sinasabi natin sa sarili natin na naka move-on na tayo. Yung pilit nating pinaniniwala yung ating mga sarili sa isang kasinungalingan na hindi sya kawalan sa buhay mo at hindi ka nagsisisi na nawala sya.

Maaring ito din yung panahon na pinilit mong makakilala ng iba sa pag-aakalang makakalimutan mo siya pero sa huli ay aaminin mo din na hindi ka masaya dahil alam mo na hindi siya si B _ _ _ _ (pangalan ng tunay mong pag-ibig).

Pagbabalik-tanaw.

Yung akala mong okay ka na pero pag nakarinig ka ng awit o makakita ng larawan na nagpapa-alala sayo sa kanya eh bumabalik lahat ng sakit. Na nanduon ka ulit sa simula kung paano ka iniwan. Na parang kahapon lang nangyari ang lahat.

Sabi nga sa isang aklat na nabasa ko – “It is hard to forget someone who gave you so much to remember.”

Pagsisisi.

Yung hanggang ngayon iniisip mo kung anong nangyari sa inyong dalawa. Kung bakit hindi kayo magkasama at kung bakit naglaho ang pagibig. Ano ba ang dahilan? Oras, Panahon, Distansiya, blah, blah, blah. Lahat na yata maiisip mo o kailangan mo talagang mag isip ng dahilan to keep your sanity.

Paghihintay.

Yung pinipilit mo na uminog ang mundo mo sa mga bagay na maaring makapagpalimot sa iyo sa kanya. Yung hinahayaan mong maging abala sa hobbies, work and friends para lang hindi ka magmuni muni ng tungkol sa inyong dalawa.

Panahon.

Ito ang makapagsasabi kung ang pusong nasugatan ay naghilom na. Kapag nabiyayaan ka nito, malalaman mo kung yung taong minsan ay minahal mo ng lubusan ay isa na lamang ala-ala.

Pag-asa.

Iyong ipinapanalangin mo na sana tulad ng love story ng paborito kong karakter na si Carrie and Mr. Big ay muli naming matagpuan ang isa’t-isa dahil may mga tao talagang itinadhana, at sana ako at ikaw iyon.